اسلام آباد 17 نومبر (اے پي پي) پارلمان په انتخابي اېکټ 2017 كښې د لا بدلون كولو بل “انتخابات ترميمي بل دوئم” په اكثريت سره منظور كړے او د مخالفې ډلې لخوا وړاندې كړے شوے بدلون مسترد كړے شوے چې مخالفې ډلې پرې واك آٶټ كړے، د دې بل منظورۍ نه پس به ټولټاكنو كښې الېكټرانك ووټنګ مشينان كارولې شي او سمندر پورې پاكستانانو ته به د ووټ حق ترلاسه شي۔ د شورو په ورځ د پارلمان شريكه غونډه كښې ډاکټر بابر اعوان په دې لړ كښئ غور كولو لپاره تحريك وړاندې كړو ٬ د دغې نه پس ايوان څخه د بل شق وار منظوري واخستې شوه٬ په شق 2 اپوزيشن غړي محسن داوړ لخوا بدلون وړاندې كړے شو چې ډاکټر بابراعوان ئې مخالفت وكړو٬ ده ووئيل دا بل د ډېرې مودې راهسې راروان دے ٬ په دې بل درې مياشتې په سېنېټ كښې غور شوے ٬ دوي په دې كښې تاخير كول غواري٬ دا بدلون غېر ضروري دے٬ په دې بايد د ايوان رائے معلومه كړې شي ٬ دغسې په اكثريت سره دا بدلون مسترد كړے شو۔ د دې نه پس د اپوزيشن لخوا په چېلنج كولو ووټنګ وكړے شو او د تحريك په حق كښې 221 او په مخالفت كښې ئې 203 رائے رامخې ته شوې او دغسې د تحريك منظوري وركړې شوه۔ په دې موقع اپوزيشن د بيا شمېرې كوول غوښتنه وكړه او په ايوان كښې ئې شور شروع كړو او د سپيكر د ډائس نا چاپېره اودرېدل ٬ دغسې سپيکر سارجنټ اېټ آرمز يو ځل بيا راوغوښتل چا چې د سپيكر ډائس پخپل حصار كښې واخست۔ دغسې ډاکټر بابر اعوان چې دوېم بدلون پېل وړاندې كولو نو په دې تاج حېدر خپل بدلون وړاندې كړو او بابراعوان ئې مخالفت وكړو٬ سپيکر د بابر اعوان بدلون ايوان ته وړاندې كړو او په اكثريت سره بدلون منظور كړے شو او د تاج حېدر بدلون په يوه خله مسترد كړے شو ٬ په شق (3) كښې درې بدلونونه شامل وو ٬ دغسې بابر اعوان خپل بدلون وړاندې كړو كوم چې منظور كړے شو٬ سېنېټر مشتاق احمد خان بدلون وړاندې كړو چې ډاکټر بابر اعوان ئې مخالفت وكړو او مشتاق احمد خان بدلون مسترد كړو۔ ډاکټر بابراعوان د انتخابات په اېکټ 2017 كښې د لا بدلون كولو بل د انتخابات ترميم دوېم بل 2021 منظورۍ له وړاندې كړو كوم چې غونډې په يوه خله منظور كړو٬ د دې بل له مخې به سمندر پورې پاكستانيانو ته د ووت حق لپاره الېكشن كمېشن ته د نادرا او نورو اېجنسيو تكنيكي معاونت ترلاسه وي۔ د دې بل له مخې به الېكټرانك ووټنګ مشينان هم اخستلے شي۔(
پارلمان په انتخابي اېکټ 2017 كښې د لا بدلون كولو بل “انتخابات ترميمي بل دوئم” په اكثريت سره منظور كړو ٬ د مخالفې ډلې لخوا وړاندې كړے بدلون مسترد كړے شو
مضمون کا ماخذ : loterias da caixa
متعلقہ مضامین
