اسلام آباد 18مارچ(اے پي پي)وزيراعظم عمران خان وئېلي دي حكومت به راتلونكې مياشت د فوډ سېكورټي په اړه بشپړ پلان اعلان كړي٬نجي ببنك به كورونه جوړولو لپاره 380 ارب روپۍ قرض راكړي٬ تېرو حكومتونو د كورونو سكيمونو په نامه كرپشن كړے٬ وركرز وېلفيئر فنډ د كرپشن مركز جوړ شوے٬د سمندر پورې پاكستانيانو مقدمې په تندۍ سره ترسره كولو له خاص عدالتونه جوړ كړے شوي٬د قبضه مافيا په ضد كاروائي كېږي٬د ښارونو خپرېدو مخ نيوي لپاره ماسټر پلان جوړولے شي٬ سندھ حكومت د بنډل آئي لينډ پروژې لپاره اجازه نه وركوي٬پخوانو حكومتونو د اوبو ذخيرې نه جوړولو سره په هېواد ظلم كړے٬د هاؤسنګ او نورو پروژو ميوې به ډېر زر رامخې ته شي۔ ده د دې خيالاتو څرګندونه د زيارت په ورځ خبريالانو سره په خبرو كښې وكړه۔وزيراعظم ووئيل كوم هم هېواد د ټولو خلقو لپاره كورونه نه شي جوړولے او د حكومت كار يوازې آسانۍ پېدا كول دي دغسې چې خلق خپل كور جوړ كړي۔ ده ووئيل په اولني ځل د كورونو جوړولو لپاره بېنكونو آسانۍ وركړې او نجي بېنك به 380 اربه روپۍ كورونو جوړولو لپاره قرض راكړي٬په پنځه مرله كور به 5 فيصده شرح سره قرض وركولے شي او كه قرض دې نه زيات وي نو حكومت به مرسته كوي۔ په دې لړ كښې به په يو لك كورونو درې لكه روپۍ د يو كور په سر سبسډي وركولې شي او د 21 لكه كور به په 18 لكه روپۍ ترلاسه كېدے شي ۔ده ووئېل د كرايې روپی به د قسطونو ادائيګۍ په صورت وركولې شي۔ هغه ووئيل 25 كلنه پخوانے سكيم اوسني حكومت بحال كړے او په يو نيم كال كښې ئې خلقو ته د كورونو وركړه باوري كړې٬په دې سيد ذوالفقار عباس بخاري او د وركرز وېلفيئر فنډ ټولې ډلې ته د عقيدت پیرزوئنې وړاندې كوم۔ د يوې پوښتنې په ځواب كښې وزيراعظم ووئيل په سندھ كښې هم مراعات وركړے كېدے شي خو د اتلسم بدلون نه پس وفاقي حكومت په دې لړ كښې مداخلت نه شي كولے٬په سندھ كښې د تعميرات په څانګه كښې مرستې كولو لپاره چمتو يؤ٬ د وفاقي حكومت د مرستې وړاندېز څخه ګټه پورته كول د سندھ حكومت كار دے٬ پنجاب٬ خېبرپښتونخوا او په بلوچستان كښې د هاؤسنګ په پروژو په تندۍ سره كار روان دے۔ وزيراعظم ووئيل د راوي پراجېكټ نه علاوه د سينټرل بزنس ډسټركټ پراجېكټ پروژه په والټرا ايئرپورټ بشپړولې شي٬دا به د يو نوي ډول پروژه وي٬د راوي پراجېكټ٬سينټرل بزنس ډسټركټ پراجېكټ او نيا پاكستان پروژو څخه به د 50 لكه څخه زيات كورونه جوړ شي۔ده ووئيل وفاقي حكومت به تنخادار او مزدور طبقې سره سره د ټولنې كمزورې طبقې لپاره د اخوت اېن جي او سره په ګډه كورونه جوړوي او تراوسه 7 زره 8 سوه كورونه جوړ كړې شوي٬اخوت د سود نه بغېر قرض وركوي٬وفاقي حكومت اخوت ته فنډ وركوي۔ده ووئيل د قبضه ډلو په ضد په لويه پېمانه كاروائي روانه ده٬په لويو لويو ښارونو كښې طاقتور خلق قبضه ګروپونه جوړوي او د هغوي د سياستمدارو سره رابطې دي۔په لاهور كښې يو لويې قبضه ګروپ د تېر حكومت سياسي مشرتابه سره اړيكې لرلې۔ او دا دومره طاقتور خلق دي چې پوليس هم د دوي په ضد كاروائي نه شي كولې٬د پنجاب حكومت د 200 اربه روپو څخه زياته زمكه د قبضه ګروپونو څخه راخلاصه كړې۔ د يوې پوښتنې په ځواب كښې وزيراعظم عمران خان ووئيل اپوزېشن د موجوده حكومت ناكامولو هڅې كوي خو د هر حكومت د كاركردګۍ اندازه د پنځو كلونو نه پس لګېدې شي٬موجوده حكومت دوه نيم كاله موده تېره كړه اوس به د دې د اقداماتو اثرات رامخې ته كېږي۔ مونږ 50 كاله پس په دوو لويو بندونو كار پیل كړے۔ ده ووئيل اوس به د هاؤسنګ او نورو پروژو مثبتې نتيجې رامخې ته شي۔ دوه نوي ښارونو به هم جوړ شي۔ وزيراعظم ووئيل راتلونكې مياشت به د فوډ سېكورټي په اړه وفاقي حكومت د يوې لويې پروژې اعلان كوي٬په ماضي كښې فوډ سېكورټي ته پام نه دے شوے٬په وړومبي ځل د ټولو ښارونو ماسټر پلان جوړولے شي
حكومت به راتلونكې مياشت د فوډ سېكورټي پلان اعلان كړي٬نجي بېنك به كورونه جوړولو لپاره 380 اربه روپۍ قرض راكړي۔ د وزيراعظم عمران خان خبريالانو سره خبرې
مضمون کا ماخذ : لاٹری کا ٹکٹ کیسے خریدیں
متعلقہ مضامین
