اسلام آباد 26 اګست (اے پي پي) صدر ډاكټر عارف علوي ټول قام٬سمندر پورې پاكستانيانو او نړيوالې ټولنې ته د سېلاب ځپليو د مرستې خواست كړے او وئېلې يې دي دوي دې په ټول پاكستان كښې د سېلاب ځپليو مرستې لپاره راوړاندې شي كوم چې د سختو بارانونو او سېلاب له امله رېسكيو رېليف او بحالۍ ته سخت ضرورت لري۔د ايوان صدر پرېس څانګې لخوا د جمعې په ورځ په جاري شوي بيان له مخې صدر مملكت وئېلي دي په ټول پاكستان كښې سېلاب د خلقو ژوند او معاش تباه كړے ٬پاكستانيانو په تېر وخت كښې هم د غېر معمولي انسان دوستۍ څرګندونه كړې۔دوي دې يو ځل بيا راوړاندې شي او د سېلاب ځپليو په مرسته كښې دې برخه واخلي۔صدر ووئيل ټولې حكومتي ادارې٬اېن جي اوز او رضا كار دې د سېلاب ځپليو مرسته وكړي۔مېډيا دې هم قام ته د عطيې ترغيب وركړي۔صدر مملكت ووئيل تاريخي بارانونو او سېلاب ولاړ فصلونه تباه كړي٬سړكونو٬پلونو٬بندونو٬مواصلاتي نظام او بنيادي ودانۍ ته هم زيان رسېدلے دے
صدر ډاكټر عارف علوي ټول قام٬سمندر پورې پاكستانيانو او نړيوالې ټولنې ته د سېلاب ځپليو د مرستې غږ وكړو
مضمون کا ماخذ : پاکستان لاٹری ٹکٹ
متعلقہ مضامین
