د افغانانو ترمېنځه د مزاكراتو د لارې افغانستان كښې د پوخ امن تاريخي موقع راپېدا شوې. د وزيراعظم عمران خان د افغانستان د حزب اسلامي مشر ګلبدين حكمتيار سره ملاقات كښې خبرې

اسلام آباد 20 اکتوبر (اے پي پي) وزيراعظم عمران خان سره د افغانستان د حزب اسلامي مشر ګلبدين حكمتيار د نهې په ورځ اسلام آباد كښې ملاقات كړے. د ملاقات په مهال د افغانستان د سولې په عمل او د پاكستان او افغانستان په دوه اړخيزه اړيكو خبرې شوي .وزيراعظم عمران خان د ګلبدين حكمتيار هركلي كولو سره ووئيل پاكستان او افغانستان دوه اړخيزه تاريخي دوستانه او د ورورولې اړيكې لري. وزيراعظم پاكستان لپاره د افغانستان اولس سره د ورورولې د اړيكو اهميت په ډاګه كړو او افغانستان سره د مرستې زياتولو په اړه ئې د پاكستان د عزم پخلے وكړو. وزيراعظم د افغانستان د سولې عمل كاميابۍ لپاره د نېكو هيلو څرګندونه وكړه او وې وئيل په افغانستان كښې امن او استحكام به په منطقه كښې د افغانستان نه پس تر ټولو زيات پاكستان لپاره ګټور وي. ده د خپل پخواني دريځ پخلے وكړو چې د افغانستان شخړه كوم پوځي حل نه لري بلكې د افغانانو په مشرې كښې د سولې عمل يوازې په دې لړ كښې د وړاندې تګ يواځنې لار ده. وزيراعظم ووئيل د افغانانو ترمېنځه د مزاكراتو د لارې په افغانستان كښې د امن تاريخي موقع راپېدا شوې. د افغانستان د سولې په عمل كښې د پاكستان مثبت كردار په ډاګه كولو سره ده هيله څرګنده كړه چې افغان ډلې به د مسئلې حل لپاره په شريكه، پراخا بنياد او جامع سياسي حل لپاره په ګډه كار وكړي. وزيراعظم په افغانستان كښې دننه او بهر د افغانستان د سولې عمل ته د زيان رسولو ذمه وارو عناصرو د كردار په اړه د خبردار پاتې كېدو په ضرورت ټينګار وكړو. وزيراعظم د پاكستان او افغانستان ترمېنځه د دوه اړخيزه تجارت، ټرانزټ او د رابطه كارې د پراخا امكاناتو حواله وركولو سره د پاكستان لخوا په افغانستان كښې د بيا رغونې، اقتصادي پرمختګ او د افغان كډوالو په عزت سره ستنېدو كښې د بشپړه مرستې باور وركړو او وې وئيل پاكستان به په اولسي كچه رابطو، د افغان سرمايه كارې ودې، د بشري وسيلو پرمختګ او په خاص توګه د روغتيا او تعليم پشان څانګو كښې د افغانانو د كار استعداد زياتولو لپاره مرسته روانه ساتي. په دې موقع ګلبدين حكمتيار د افغانستان د سولې په عمل كښې اسانۍ لپاره د پاكستان د مثبت كردار ستائنه وكړه. ده د افغانستان په سماجي او معاشي پرمختګ كښې په مرسته كولو او د څلورو لسيزو نه د زياتې مودې راهسې د افغان كډوالو په كوربتوب كولو د پاكستان مننه وكړه.

مضمون کا ماخذ : اسکریچ کارڈ پاکستان

متعلقہ مضامین

د ډېټ لمېټېشن اېكټ له مخې كه د قرضو شرح ټاكلي حد نه زياته شي نو په اړه دې پارلمان خبر كړې شي۔ د اقتصادي چارو وفاقي وزير

د ګرانۍ کمولو لپاره حکومت هر ممکن اقدامات كوي، د سرکاری څانګې اسټاکس څخه د غنمو باقاعدہ وركول به برقرار ساتلې شي

مخالفه ډله سياست كوي او وزيراعظم قام د وباء نه محفوظ ساتلو او د لوږې نه بچ كولو لپاره اقدامات كوي۔ شبلي فراز

د سرلښكر جنرال قمر جاوېد باجوه په مشرۍ كښې د كور كمانډرانو كنفرنس

د آصف غفور پشمول 6 مېجر جنرلز له د لېفټېننټ جنرل په چوكۍ ترقي وركړې شوه۔ آئي اېس پي آر

سېنېټ د مېرمنو د نړيوالې ورځې په مناسبت د مېرمنو خذمات ته پیرزوئنې وړاندې كولو لپاره قرارداد منظور كړو

جوماتونه اولس ته د معاشرتي خدمتونو رسولو تر ټولو غوره ذريعه ده۔ صدر مملكت ډاكټر عارف علوي

په 6 ستمبر 1965 د پاكستان عظيم پوځ او اولس يو مضبوط دېوال جوړېدو سره د دښمن مقابله وكړه ٬ داخله وزير

د اطلاعاتو او خپرونو وفاقي وزير چوهدري فواد حسېن د اداكار عمر شريف په مړينه خواشيني وښودله

د قامي اسمبلۍ هال كښې د چوكو پحقله د اېم كيو اېم تحفظات دې لرې كړے شي۔ راجه پرويز اشرف

پاکستان كښې سرمايه کاري كوٶنكو د چين كمپنو ته ورمخې ته مسئلې حل كولو ته پام لرنه كولې شي٬ امنيت دې لا ټينګ كړے شي۔ وزيراعظم شهباز شريف

د وفاقي كابينې په غونډه كښې د لوډشېډنګ كمولو په چارو ٬ د توان په صورتحال بريفنګ وركړے شو ٬ د اطلاعاتو وفاقي وزيره