اسلام آباد 07 جولائي (اے پي پي)د وزيراعظم محمد شهباز شريف په مشرۍ كښې د انرجي ټاسك فورس غونډه كښې پريكړه شوې چې د قامي سولر انرجي پالسېۍ اعلان به د اګست د وړومبۍ نېټه څخه كولې شي٬د پالېسۍ نفاذ به د شريكو ګټو كونسل منظورۍ سره مشروط وي٬وزيراعظم هاؤس او وزيراعظم آفس به په يوه مياشت كښې دننه شمسي توان ته منتقل كړی شي او وزيراعظم شهباز شريف وئېلي دي چې چې اولس ته ارزان او ماحول دوست برېښنا وركول د حكومت وړومبې ترحيح ده٬د شمسي توان استعمال څخه به ډسټري بيوشن لاسز د برېښنا غلا او د ګرځينده قرض پشان مسئلو سره نه مخ كېږي۔په غونډه كښې د توان وفاقي وزير انجينئر خرم دستګير٬د خزانې وفاقي وزير مفتاح اسماعيل٬د منصوبه بندۍ او پرمختګ وفاقي وزيراحسن اقبال٬د اطلاعاتو او خپرونو وفاقي وزيرې مريم اورنګزېب٬د پېټروليم وزيرمملكت مصدق ملك او اړوند اعلٰی افسرانو ګډون وكړو۔په غونډه كښې د څلورو واړو صوبو چيف سېكرټريز د وډيو لنك د لارې ګډون كولو۔په غونډه ګښې په هېواد كښې د شمسي توان ودې په اړه په شويو اقداماتو تفصيلي بريفنګ وركړې شو۔وزيراعظم محمد شهباز شريف ووئيل چې د شمسي توان برېښنا پېدا كولو يوه پاكه٬ارزانه او ماحول دوست ذريعه ده۔د شمسي توان څخه به پیدا شوې برېښنا ارزانه شي او په اولس به د ګرانۍ بوج كم شي۔دا څيز په نظر كښې ساتلو سره به مونږ د پاكستان وړومبې جامع سولر انرجي پالېسۍ وړاندې راوړو۔د دې پالېسۍ نفاذ به د صوبو مشاورت سره كېږي۔د حكومت هڅه ده چې هېواد د توان په څانګه كښې خودكفيل جوړ كړې شي۔غونډې ته ووئيل شو چې په هېواد كښې د ايندهن څخه چلېدونكې پاور هاؤسز شمسي توان ته د منتقل كولو په تجويز غور وشو۔غونډې ته ووئيل شو چې د 11 كے وي 2 زره فيډرز د شمسي توان د پیداوار په تجويز غور وشو۔د دې نه علاوه په ټول هېواد كښې سركاري ودانۍ په شمسي توان منتقل كولو تجويز په اړه په غونډه كښې تفصيلي جائزه واخستلې شوه۔وزيراعظم د سولر انرجي ټاسك فورس تجاويز ستائېلو سره هدايت كړې چې ټولې صوبې دې د دې تجويز څخه خبر كولو سره د هغوي څخه رائے واخستلې شي او دا خبره دې باوري كړې شي چې د متبادل توان په ټولو پروژو كښې دې د صوبو هم آهنګي وي۔ د پالېسۍ نفاذ به د شريكو ګټو كونسل منظورۍ سره مشروط وي٬وزيراعظم هاؤس او وزيراعظم آفس به په يوه مياشت كښې دننه شمسي توان ته منتقل كړی شي۔په دې لړ كښې اړوند چارواكو ته احكامات جاري كړی شوي۔
د قامي سولر انرجي پالېسۍ اعلان به د اګست په وړومبۍ نېټه كولې شي٬د وزيراعظم په مشرۍ كښې د انرجي ټاسك فورس په غونډه كښې پريكړه
مضمون کا ماخذ : ہاٹ اسپن
متعلقہ مضامین
