د سازګار كاروباري پالېسو د لارې سرمايه كارو ته هر ډول ممكنه اسانيې وركولې شي، پي ټي آئي اقتدار ته راتللو سره په پخواني دور كښې د كېدونكي ډي انډسټرلائزېشن مخ نيوي لپاره اقدامات وكړل. چوهدري فواد حسېن
اسلام آباد 04نومبر (اے پي پي) د اطلاعاتو او خپرونو وفاقي وزير چوهدري فواد حسېن وئيلي دي چې د سازګار كاروباري پالېسو د لارې سرمايه كارو ته هر ډول ممكنه اسانيې وركولې شي، پاكستان يو محفوظ هېواد دے چرته چې ملكي او غېر ملكي سرمايه كار او كاروبار تحفظ لري، پي ټي آئي اقتدار ته راتللو سره په پخواني دور كښې د كېدونكي ډي انډسټرلائزېشن مخ نيوي لپاره اقدامات وكړل، مونږ باور لرو چې صنعتونه پرمختګ وكړي نو هېواد به مخ په وړاندې لاړ شي، د وزيراعظم عمران خان د وژن له مخې حكومت په هېواد كښې صنعتي انقلاب لپاره ځانګړي اقدامات كوي، وزيراعظم عمران خان قوم ته په خپله وېنا كښې د كورونا وبا نه پس د نړۍ د معاشي صورتحال تفصيلي ذكر كړے. ده دا خبرې د انټرپرېنور آرګنائزېشن پلاوي سره د ملاقات په مهال په خپلو خبرو كښې وكړې. وفاقي وزير چوهدري فواد حسېن ووئيل چې د هېواد په معاشي پرمختګ كښې كاروباري ادارې مهم كردار لري، كاروباري ادارې په لويه شمېره خلقو ته ملازمتونه وركوي او دې سره سره د هېواد په جي ډي پي كښې ځانګړې برخه اخلي. ده ووئيل چې د پاكستان تحريك انصاف حكومت په هېواد كښې د صنعتي چارو ودې ته خاص پام كوي او هم دا وجه ده چې نن د پاكستان په سټاك اېكسچېنج كښې سرمايه كاري زياته شوې. په هېواد كښې د كار كوونكو كمپنو په منافع كښې هم ريكارډ اضافه شوې ده. ده ووئيل چې په صنعتي او زرعي څانګه كښې د انقلابي اقداماتو په نتيجه كښې د خلقو په آمدن ك ښې 37 فيصده اضافه شوې ده. 1100 اربه روپې د رورل اكانومي څخه زرعي څانګې ته منتقل كړې شوې، نن زمونږ كروندګر خوشحال دے. ده ووئيل چې د ګاډو، موټرسائيكلو او ټرېكټرو په فروخت كښې ريكارډ اضافه شوې ده. ده ووئيل چې مونږ د تنخاه اخستونكې طبقې د ستونزو نه خبر يو، حكومت په دې لړ كښې اقدامات كوي. بايد منافع كوونكې كمپنې هم د خپلو كاركنانو په تنخاګانو كښې اضافه وكړي.
د سازګار كاروباري پالېسو د لارې سرمايه كارو ته هر ډول ممكنه اسانيې وركولې شي، پي ټي آئي اقتدار ته راتللو سره په پخواني دور كښې د كېدونكي ډي انډسټرلائزېشن مخ نيوي لپاره اقدامات وكړل. چوهدري فواد حسېن
مضمون کا ماخذ : لوٹیریا کے اعدادوشمار
متعلقہ مضامین
