كراچۍ 13جون (اے پي پي) د اطلاعاتو او خپرونو وفاقي وزير چوهدري فواد حسېن وئېلي دي چې د سندھ حكومت اولس ته د بنيادي آسانيو په وركولو كښې پاتې راغلې٬هر پنځه كاله پس د پيپلز ګوند كوم داسې تن د ربړ سټيمپ په توګه په وزيراعلٰی هاؤس كښې كېښنولې شي كوم چې د پريكړې كولو اختيار نه لري٬ټول اختيار هغه خلك لري كوم چې د سندھ په اسمبلۍ كښې نه بلكې په بلاول هاؤس كښې كېښني٬د سندھ ضلعو ته فنډ نه جاري كولې كېږي٬زرداري كورنۍ د سندھ اسمبلي مفلوج كړې٬د سندھ حكومت دومره اهليت نه لري چې دوي آمن او امان لپاره د سندھ پوليس اپ ګرېډ كړي٬مسلم ليګ(ن)سمندر پورې پاكستانيانو ته د ووټ حق وركولو مخالفت كړې٬دوي د انتخابي اصلاحاتو څخه تښتي۔په راتلونكو ټاكنو كښې د(ن)ليګ هېڅ سباؤن نشته٬راتلونكي 7 كاله به د دوي سباؤن دا وي چې بينر پورته كولو سره به په يو ګوټ كښې ولاړ وي او پرې ليكلې به وي چې حكومت نامنظور٬ټاكنې نامنظور بايد دوي خطاطي زده كړي چې دغسې بينر ليكلو لپاره د دوي خرڅ او وخت بچ شي۔د پيپلز ګوند په دور كښې ادارې تباه او بربادې كړې شوي دي مونږ د 60 نه د زياتو ادارو د مشرانو ټاكنه په مېرټ كړې٬نن ادارې په خپلو پښو ودرېږي۔ده داخبرې د اتوار په ورځ خبري كنفرنس ته د وېنا كولو په مهال وكړې۔چوهدري فواد حسېن ووئيل چې مونږ د خبريالانو د ستونزو حل كولو پوره هڅه كړې٬ټولو خبريالانو او كاركنانو ته ادائيګۍ باوري كولو لپاره مونږ د صحافتي ادارو بقايا جات ادا كړي۔ده ووئيل چې د پاكستان مېډيا ډوېلپمنټ اتهارټۍ جوړولو مقصد هم دا دے چې خبريالانو سره شوې لوظ نامې عملي كړې شي او دوي قانوني حق ترلاسه كړي۔ده ووئيل چې په بجټ كښې كم نه كم اجرت 20 زره روپۍ ټاكلې شوې٬په ټولو صحافتي ادارو لازم ده چې هغوي د خپلو كاركنانو په تنخا كښې د دې له مخې اضافه وكړي۔ده ووئيل چې په كراچۍ كښې د ريكوري ستونزو نه علاوه په نورو سيمو كښې لوډشېډنګ نه كېږي٬كے اليكټرك ته مو 500 مېګاواټ اضافي برېښنا وركړې چې دغسې د كراچۍ وګړي د ګرامۍ په موسم كښې ستونزو سره مخ نه شي۔ده ووئيل چې د كراچۍ وګړو ته آسانې وركولو لپاره حكومت خاص انتظامات كړې دي۔چوهدري فواد حسېن ووئيل چې د له بده مرغه د سندھ وزيراعلٰی قوم پرست سياست كوي٬هغه د ذوالفقار علي بهټو شهيد او د شهيدې بېنظير بهټو د سياست نه ځان جلا كوي او د دې په نتيجه كښې تعصب خپرولې كېږي۔ده ووئيل چې سندھ ته د تېرو كلونو په مهال د 16 نه تر 18 ارب روپۍ د وفاق لخوا وركړې شوي دي۔صوبو لپاره په بجټ كښې 27 فيصده برخه كېښودلې شوې۔د دې له مخې به سندھ ته د 700 ارب روپو نه تر 750 ارب روپۍ اېن اېف سي ايوارډ ترلاسه شي۔كله چې دومره پيسه صوبائي حكومت ته راځي نو سوال پېدا كېږي چې دا پيسه چرته ځي۔ده ووئيل چې د پوليسو د خراب حالات ذمه وار د سندھ حكومت دے۔ده ووئيل چې په سندھ كښې د روغتيا نظام تباه او برباد دے۔ده ووئيل چې بايد په سندھ كښې آرټيكل 140 اے نافذ شي چې دغسې ځايې حكومتونه جوړ شي او خپلې ستونزې په خپله حل كړې شي۔ده ووئيل چې د سمندر پورې پاكستانيانو په اړه د(ن)ليګ د ريماركس سخته غندنه كوم۔ده ووئيل چې اليكټرانك ووټنګ مشينونه دوي ليدلې هم نه دي او رد كړې يې دي۔مونږ 49 تراميم په اسمبلۍ كښې وړاندې كړي٬مونږ غواړو چې داسې ټاكنې وشي چې پاتې راغلې او بريالې شوي دواړه يې قبوله كړي۔كه اپوزېشن دې تراميمو سره اتفاق نه لري نو خپل دې وړاندې كړي۔ده ووئيل چې بجټ كاروباري طبقې٬صنعت كارو او اولس غوره بجټ ګرځولې۔مونږ خوشحاله يو چې د هېواد ټولو طبقو د بجټ هركلے كړې۔دا كال به د پاكستان د پرمختګ كال وي٬ده ووئيل چې سره د كووېډ په هېواد كښې د ګرانۍ شرح د نړۍ نه كمه پاتې شوې۔په پاكستان كښې د ګرانۍ شرح 28 فيصده وه او د آمدن په شرح كښې 37 فيصده اضافه شوې۔د يوې پوښتنې په ځواب ده ووئيل چې د كال 2008م نه تر 2018م په پي ټي وي كښې 1800 خلك بهرتي كړې شوي دي٬په اے پي پي كښې 922 كسان دي چې پكښې 250 خبريالان دي نور ټول غېر خبريالان دي۔ده ووئيل چې په خورشيد شاه اصل كيس دا پكار و چې ده سنګه اضافي بهرتۍ كولو سره ادارې بربادې كړې دي ده ووئيل چې مونږ به د اے پي پي راډيو پاكستان او د اطلاعاتو وزارت هر يو تن ته كور وركوو٬مونږ به ملازمينو ته الاؤنسز وركوو او په ادارو كښې به اصلاحات راولو۔ده ووئيل چې د سټيل ملز٬پي ټي وي٬راډيو او د نورو ادارو صورتحال ښه كېږي
د سندھ حكومت اولس ته د بنيادي آسانيو په وركولو كښې پاتې راغلې٬هر پنځه كاله پس د پيپلز ګوند كوم داسې تن د ربړ سټيمپ په توګه په وزيراعلٰی هاؤس كښې كېښنولې شي كوم چې د پريكړې كولو اختيار نه لري۔د اطلاعاتو او خپرونو وفاقي وزير چوهدري فواد حسېن
مضمون کا ماخذ : raspadinha آن لائن
متعلقہ مضامین
