اسلام آباد 07 جولائی (اے پی پی) وزيراعظم عمران خان وئيلي دي پاكستان په 74 كلونو كښې په وړومبي ځل د قېمتي كاڼو، كالو پترو او د معدنيات څانګه يو برآمدي صنعت جوړوي. ده دا خبرې د جېمز ، جيولري او منرلز ټاسك فورس د غونډې مشرۍ كولو په مهال وكړې.په غونډه كښې د صنعت وفاقي وزير مخدوم خسرو بختيار٬خاص مرستيال ډاكټر شهباز ګل٬د جيمز اينډ جيولري ټاسك فورس چيئرمېن انجينئر ګل اصغر خان٬عاطف خان٬د ټاسك فورس غړو او اړوندو اعلٰی افسرانو ګډون وكړو۔په غونډه كښې وزيراعظم ته د ټاسك فورس د جيمز٬جيولري او د منرلز څانكې د تشكيل نو د تجويز شوي منرل سټي په اړه وړاندېزونه وركړے شول۔غونډې ته ووئيل شول په پاكستان كښې د قيمتي كاڼو د برآمدات په اړه د 5 اربه ډالرو كلن صلاحيت موجود دے او دې سره سره به د هېواد په معيشت مثبت آغېز وشي او د لاكونو په شمېر نوكرۍ به راپېدا شي۔په پاكستان كښې په دې وخت كښې د 99 قسمه قيمتي كاڼو ذخيرې موجود دي او په دې څانګه كښې د پېداوار په اړه پاكستان په نړۍ كښې 8 لويې هېواد دے٬د محتاط اندازې له مخې په پاكستان كښې هر كال د 200 ټنه سرو زرو لګښت دے۔۔غونډې ته ووئيل شول جيمز او جيولري ته د صنعت درجه وركړی شوې او د ټاسك فورس د لائحه عمل له مخې به په دې عملدرآمد باوري كولې شي۔برآمدات زياتولو لپاره به ايكسپورټ پروموشن ته خاص پام كولې شي او په دې لړ كښې به د پاكستان د سفارتخانو څخه هم مرسته اغستلې شي۔د جيمز اينډ جيولري سټي به جوړولې شي۔په ابتدائي توګه اوسنۍ وسيلې كارولو سره به د پبلك پرائيوېټ پارټنرشپ ماډل خپلولې شي۔په دې موقع وزيراعظم ووئيل حكومت د معدنيات او قيمتي كاڼو د څانګې روايتي طريقې بدلولو سره د جديدې ټېكنالوجۍ د لارې د دې څانګې تشكيل نو كوي۔وزيراعظم ووئيل داسې ټولې وسيلې كومې چې ضائح كېږي٬په كار دې راوستلې شي او په دې لائحه عمل عملدرآمد لپاره دې شيډول مرتب كولو سره سره سرمايه كارو لپاره اوسني خنډونه ختم كړے شي
پاكستان په 74 كلونو كښې په وړومبي ځل د قېمتي كاڼو، كالو پترو او د معدنيات څانګه يو برآمدي صنعت جوړوي. د وزيراعظم عمران خان د جېمز، جيولري او منرلز ټاسك فورس غونډه كښې څرګندونې
مضمون کا ماخذ : ڈوپلا سینا
متعلقہ مضامین
