اسلام آباد 14 جنوري (اے پي پي) د اطلاعات او خپرونو وفاقي وزير چوهدري فواد حسېن وئيلي دي د سم عدالتي رپورټنګ نه غېر د عدليه وقار او د اولس د بنيادي حقونو تحفظ ممكن نه دے، د عدليه كورېج كوٶنكي خبريالان دې ذمه دار صحافت وده وركړي۔ ده دا خبرې د جمعې په ورځ د پرېس اېسوسي اېشن آف سپريم كورټ پلاوي سره خپلو خبرو كښې وكړې چا چې وفاقي وزير سره ملاقات كولو۔ وفاقي وزير د پرېس اېسوسي اېشن آف سپريم كورټ نوو ټاكلو عهدېدارو ته مباركي وركولو سره ووئيل د عدالتي رپورټنګ اهميت د دائر كړو مقدمو هومره دے، د مقدمو دائر كېدو نه وړاندې په يو شمېر چارو عدالتونه د ميډيا په رپورټس پخپله نوټس اخلي۔ ده ووئيل غلط او غېر محتاط عدالتي رپورټنګ څخه نه يوازې اولس د سمو اطلاعاتو د حق نه محروم پاتې كېدے شي بلكې ورسره د قانون سرلوړي او د عدليه وقار هم متاثره كېږي۔ وفاقي وزير ووئيل د عدليه احترام په ټولو لازم دے، په كومو خبرونو چې عدليه نوټس اخلي ھغه خبرونه مستند پكار دي۔ چوهدري فواد حسېن ووئيل په قانوني صحافت كښې صحافت او قانون دواړه شامل وي، د عدليه د کوريج كوٶنكو خبريالانو تربيه ضروري ده، په دې لړ كښې به حكومت صحافتي تنظيمونو سره په ګډه لائحه مرتب كوي۔ وفاقي وزير ووئيل خبريالانو ته به په ترجيحي بنيادونو صحت كارډز وركوٶ۔ په دې موقع وفاقي وزير د پرېس اېسوسي اېشن آف سپريم كورټ پلاوي مسئلې واورېدې او د حل كولو ئې باور وركړٶ۔ د پلاوي په غړو كښې د پرېس اېسوسي اېشن آف سپريم كورټ صدر راجه محسن اعجاز او د عمومي سېكتر عديل سرفراز پشمول نور غړي شامل وو
د سم عدالتي رپورټنګ نه غېر د عدليه وقار او د اولس د بنيادي حقونو تحفظ ممكن نه دے، د عدليه كورېج كوٶنكي خبريالان دې ذمه دار صحافت وده وركړي۔ د اطلاعات او خپرونو وفاقي وزير چوهدري فواد حسېن د پرېس اېسوسي اېشن آف سپريم كورټ پلاوي سره خبرې
مضمون کا ماخذ : سانتا کی جنگلی سواری۔
متعلقہ مضامین
