اسلام آباد 09 جولائي (اے پي پي) خارجه وزير شاه محمود قرېشي وئېلي دي چې مونږ د تېر وخت نه زده كړه كولو سره د سباؤن حكمت عملۍ جوړوو٬په افغانستان كښې زمونږ كوم فيورټ نشته٬د افغانستان په اړه د پاكستان پالېسي ښكاره ده٬مونږ په افغانستان كښې امن او استحكام غواړو۔ خارجه وزير د جمعې په ورځ د چيئرپرسن شيري رحمان په مشرۍ كښې د خارجه چارو قائمه كمېټۍ وړومبۍ غونډې په مهال د خيالاتو څرګندونه كوله۔ د دې نه وړاندې د خارجه چارو سېنېټ قائمه كمېټۍ غونډې چيئرمېن د خارجه وزير شاه محمود قرېشي او د قامي سلامتيا خاص مرستيال معيد يوسف او د كمېتۍ د نورو غړو هركلے وكړو۔ خارجه وزير شاه محمود قرېشي د سېنېټ قائمه كمېټۍ غونډه كښې د خيالاتو څرګندونه كولو سره ووئيل چې څه موده وړاندې په خارجه وزارت كښې ټولو پارليماني مشرانو ته د افغانستان په بدلېدونكي صورتحال بريفنګ وركړے شوے و٬ په دې غونډه كښې پريكړه شوې وه چې د ادارو لخوا دې د پارليمان غړو له د منطقې په صورتحال بريفنګ وركړے شي۔ د پارليماني مشرانو په خواهش د ادارو لخوا په پارليمان كښې د 8 ساعته مفصل بريفنګ وركړے شو خو په دې غونډه كښې يوازې په افغانستان خبرې وشوې۔ خارجه وزير ووئيل چې هڅه ده چې دوهمه غونډه د لوي اختر څخه وړاندې وشي۔ خارجه وزير ووئيل چې نن د امريكې وياند وائي چې پاكستان زمونږ تعميري شراكتدار دے٬ د هغوي له مخې په افغانستان كښې زمونږ او پاكستان منزل يو دے٬درېمه خبره ده چې هغه پاكستان ته يوازې د افغانستان په تناظر كښې كتل نه غواړي٬ هغوي غواړي چې د اګست تر 31مه نېټھ د افغانستان څخه د وتلو عمل بشپړ شي خو چې پاكستان او منطقې سره امن لپاره يو رشته په ځاې وي٬مونږ پ دې هېڅ اعتراض نه لرو۔خارجه وزير ووئيل چې نن ټوله نړۍ زمونږ د دريځ په تسليمولو مجبوره ده چې د افغانستان مسئله كوم پوځي حل نه لري۔ده ووئيل چې زمونږ سوچ وو چې د وتلو عمل په ذمه وارۍ سره ترسره شي چې دغسې كوم منفي قوت د خلا څخه استفاده ونه كړي٬هغه(امريكا)وائي چې مونږ خپل مقاصد ترلاسه كړي٬د هغوي مقصد صدر جوبائيډن بيان كړې دي٬د هغوي له مخې د دوي مقصد د نائن اليون ذمه وار انجام ته رسول و كوم چې رسولې شوي۔ ده ووئيل چې د افغانستان مسئله افغانانو ته حل كول دي۔خارجه وزير ووئيل چې دوي نظر لري چې د وتلو نه پس به په انساني بنيادونو مرسته روانه ساتي٬دوي ډپلومېټك شتون ساتل غواړي۔دوي د كابل هوائي اډې امنيت لپاره د مرستې كولو اشارې هم وركوي٬دوي زلمي خليل زاد ته هدايت كړې چې د جامع مذاكراتو د لارې د افغان مسئلې سياسي حل لپاره دې روابط جاري وساتي۔خارجه وزير ووئيل چې نن زما د امريكې خارجه سېكرټري بلنكن سره خبرې متوقع دي٬هغه ته به د پاكستان نظر وړاندې كوم٬خارجه وزير ووئيل چې امريكې خپلو پخوانو ملګرو ته د تحفظ وركولو باور وركړې۔ده ووئيل چې نن د دوحه لوظ نامې او د افغانانو ترمينځه د مذاكراتو په اړه د پاكستان كردار ستائېلې كېږي۔د دوحه په لوظ نامه كښې طالبانو د وتلو په مهال د بريد نه كولو لوظ كړې و۔دوي د لوظ نامې پاسداري كړی او امريكا يې مني۔خارجه وزير ووئيل چې د ترهه ګرۍ په ضد جنګ كښې زمونږ معيشت ته د 150 ارب ډالرو زيان رسېدلې٬مونږ د 70 زرو نه زياتو خلكو قربانۍ وركړې دي٬مونږ د ترهه ګرۍ په ضد د جنګ لويې قيمت ادا كړې۔ده ووئيل چې كه دافغانستان صورتحال خراب شي او حالات د 90 لسيزې په طرف لاړ شي نو زمونږ ستونزې به هم زياتې شي۔د نورو كډوالو راتللو خطر هم موجود دے٬مونږ په پوله ازغن تار هم لګوو۔خارجه وزير ووئيل چې افغانستان څخه د غېر ملكي ځواكونو وتلو نه پس په افغانستان كښې د كورنۍ جګړې اندېښنه جائز ده خو زمونږ هڅه او خواهش دے چې افغانستان داسې صورتحال سره مخ نه شي۔ده ووئيل چې مونږ غواړو چې د افغان كډوالو په عزت سره وطن ته ستنېدل د افغانستان د سولې عمل برخه جوړ كړې شي۔د چين كردار په اړه ده ووئيل چې كه چين په افغانستان كښې استحكام لپاره قدم پورته كوي نو دا ښه خبره ده۔د استنبول پراسس ته طالبانو د راتللو څخه انكار كړې خو مونږ افغانستان او تركيې سره دوه اړخيزه غونډه كړې٬د پاكستان او ايران اړيكو په اړه خارجه وزير ووئيل چې ايران سره زمونږ اړيكې لا قوي شوي دي۔ايران سره زمونږ په پوله د ماركيټونو لوظ نامه شوې٬د ايران نوي صدر سره د وزيراعظم ښه خبرې شوې دي۔د افغانستان په اړه د ايران كردار مهم دے
مونږ د تېر وخت نه زده كړه كولو سره د سباؤن حكمت عملۍ جوړوو٬په افغانستان كښې زمونږ كوم فيورټ نشته٬د افغانستان په اړه د پاكستان پالېسي ښكاره ده٬ مونږ په افغانستان كښې امن او استحكام غواړو۔ د خارجه وزير د خارچه قائمه كمېټۍ په غونډه كښې د خيالاتو څرګندونه
مضمون کا ماخذ : لوٹومینیا کے نتیجے میں پچھلے حصے
متعلقہ مضامین
