اسلام آباد۔13جون(اے پی پی) د اطلاعاتو او خپرونو وفاقي وزير مريم اورنګزېب د اوسني حكومت لخوا د غوړو په بيعه كښې د كلو په سر د 250 روپو كمي كولو اعلان كولو سره وئيلي دي چې د ګرد هېواد په يوټېلټي سټورز به كلو غوړي په 300 روپۍ او د ارزانو اوړو سكيم لاندې د 10 کلو اوړو تروړه په 400 روپۍ ترلاسه كېدې شي٬ په كال 2018ء كښې د يو كلو اوړو قيمت 35 روپۍ وو كوم چې د تېرو څلورو كلونو په مهال د 90 نه تر 100 روپو او د غوړو قيمت د 550 نه 600 روپو ورسېد٬ اوسنې حكومت اولس د ګرانۍ اثرات نه محفوظ ساتلو له د سبسډي او ريليف وركولو له ګامونه پورته كوي۔ دې ووئيل وزيراعظم شهباز شريف د ګرانۍ زياتېدونكې شرح په نظر كښې نيولو سره په یوټېلټی سټورز د 10 كلوګرام اوړو تروړې قيمت 400 روپۍ مقرر كړې دې۔ دې ووئيل په خېبر پختونخوا كښې د يوټېلېټي سټورز شمېرې كموالي د لاسه دغلته د روانې مياشتې 6 مې نېټې څخه 100 موبائل یوټېلټی اسټورز فعاله كړې شوي دي د كومو د لارې چې د خېبر پختونخوا خلكو ته ارزان اوړه وركولې شي۔ دې ووئيل په 9 جون په سمدستي توګه د یوټېلټی اسټورز اضافی 500 پوائنټس د اوړو ترسيل لپاره بېل كړې شوي دي٬ نن په دې كښې نور 100 پوائنټس شامل كړې شول۔ دې ووئيل تر دې دمه په 600 سېلز پوائنټس د 10 كلو اوړو 2 لکه 62 زره 434 تروړې اولس ته وركړې شوي دي۔ دې ووئيل كومې سيمې چې دا آساني نه لري نو هغوي لپاره ټال فری نمبر 080005590 ټاكلې شوې په كوم چې دوئي خپل شكايت درج كولې شي۔ دغسې د اوړو معيار يا قيمت كښې د فرق په اړه په لمبر 051111123570 تماس نيولې كېدې شي۔ وفاقي وزير ووئيل په یوټېلټی اسټورز د اوړو ٬ چينيو او نورو څيزونو د كمي شكاياتو له مانيټرنګ نظام جوړ كړې شوې او كمېټۍ تشكيل كړې شوي دي۔ د کمېټۍ چیف سېکرېټریز ته اپ ډېټ وركوي او وزيراعظم هره اولنۍ په دې اړه غونډه كوي په كومه كښې چې د فوډ سېكورټي او صنعت وزيرانو په شمول چيف سېكرېټريز هم ګډون كوي۔ دې ووئيل په بجټ كښې د 17 اربه روپو سبسډي چينو ٬ غوړو او اوړو لپاره اېښودلې شوې ده۔ دې ووئيل په بی آئی ایس پی كښې رجسټرډ بې وزله كسانو ته دوه زره روپۍ وركولې شي۔ دې نه ځانله 40 زره نه كم آمدن لرونكي وګړي د ارزانو پټرولو او ډيزلو سبسډي په 786 كال كولو سره ترلاسه كولې شي۔ دې ووئيل د بجټ زياته برخه د كركيلې څانګې له بيله كړې شوې ده۔ دې ووئيل تېر حكومت د يو كروړ ملازمتونو او د 50 لكه كورونو د دروغو وعده وكړه۔ د تېرو څلور كلونو په مهال د پاكستان اولس د ګرانۍ نه غېر بل څه نه دي ليدلې۔ د يوې پوښتنې په ځواب كښې دې ووئيل د پټرول په بيعه كښې د اضافې بنيادي سبب د آئي اېم اېف هغه لوظنامه ده كومه چې د پي ټي آئي حكومت په كمزورو بنيادونو آئي اېم اېف سره كړې وه۔ دې ووئيل آئي اېم اېف سره چې په كومو شرطونو لوظنامه لاس ليك شوې وه هغه پبلك شوې ده۔ دې ووئيل مونږ لپاره دا آسانه وه چې د حكومت د سنبالولو ورځې نه مو د پټرول قيمت سوا كړې وو او دا مو وئيلې وو چې دا لوظنامه عمران خان لاس ليك كړې وه۔ دې ووئيل عمران خان د خپل سياست بچ كولو لپاره مجرمانه پرېكړې وكړې او بارودي ماينونه يۍ خپاره كړل۔ دې ووئيل كله چې عمران خان ته معلومه شوه چې عدم اعتماد تحريك به كامياب شي نو د پټرولو په قيمت كښې يۍ 10 روپۍ كمي كولو سره د آئي اېم اېف د لوظنامې خلاف ورزي وكړه۔ دې لپاره په قومي خزانه كښې پېسې نه وې۔ دې لپاره ده د اي سي سي او كابينې نه منظوري هم نه وه اخستې۔ دې ووئيل وزيراعظم شهباز شريف د قيمتونو زياتولو نه وړاندې اولس لپاره ريليف ډيزائن كړو۔ د 28 اربه روپو سبسډي وركولو مقصد دا وو چې مونږ له د آئي اېم اېف په لوظنامه عمل كول وو۔ د يوې بلې پوښتنې په ځواب كښې دې ووئيل د روسيه نه د ارزانو تېلو اخستلو خبرونه بې بنسټه دي٬ د روسيه سفير هم ددې خبرې ترديد كړې دې۔ دې ووئيل د دې ريكارډ خارجه دفتر او د پټروليم وزارت سره هم نشته۔ د روسيه د سفير بيان هم په ورځپاڼو كښې خپور شوې دې چې پاكستان سره د ارزانو تېلو كومه لوظنامه نه ده شوې۔ د يوې بلې پوښتنې په ځواب كښې دې ووئيل په كال 2018ء كښې په هېواد كښې زیرو لوډ شېډنګ وو٬ په تېرو څلور كلونو كښې يو مېګاواټ برېښنا هم په سسټم كښې نه ده شامله كړې شوې۔ دې ووئيل تر 30 جون به لوډشېډنګ 3 ساعته ته راشي او اضافي برېښنا به هم په سسټم كښې شامل كړې شي۔ دې ووئيل تېر حكومت كښې نېشنل کرائم اېجنسی ته د نېب ټول ريكارډ ولېږلې شو دغلته څخه پرېكړه راغله چې كوم كرپشن او د اختياراتو غلط استعمال نه دې شوې٬ دې نه وروستو د ډیوډ روز د لارې يو خبر وچلولې شو كوم چې نن د شهباز شريف څخه معافيانې غواړي چې داسې كوم ريكارډ نشته۔ دې ووئيل د كرپشن د بيانيې دفن كېدو نه وروستو د مدينې د رياست بيانيه رامخې ته شوه۔ دې ووئيل د مدینې د پاك رياست نامه اخستو سره عمران خان په دروغو اډانه سياست وكړو۔ كله چې ده ته معلومه شوه چې تحريك عدم اعتماد كاميابېږي نو ده د بهرني سازش بيانيه پېل كړه۔ كله چې دا بيانيه ناكامه شوه نو نن سبا يۍ د ګرانۍ بيانيه پېل كړې ده۔ دې ووئيل شهباز شريف اولس ته ريليف وركولو له د اوړو ٬ چينو او غوړو نرخونه كم كړي دي۔ دې ووئيل دا كمي عمران خان هم كولې شوه ولې د هغه ترجيحات يوازې د كارټلز او مافيا جېبونه ډكول وو٬ د هغه ترجيحات په سياسي مخالفينو كېسونه جوړول او هغوي زندان كښې اچول وو۔ دې ووئيل د تېرو څلورو كلونو په مهال ميډيا غلې وساتلې شوه٬ پارليمان د آرډيننس د لارې وچلولې شو۔ د يوې پوښتنې په ځواب كښی دې ووئيل په نړيوالو منډيانو كښې د تېلو بيعه مخ په زياتېدو ده ٬ مونږ په دې فرق نظر لرؤ۔ كومه طبقه چې دا ګراني نه شي برداشت كولې هغې لپاره ريليف اقدامات كوؤ
د وفاقي حكومت د غوړو په بيعه كښې د زياتې كمۍ كولو اعلان ٬ په يوټېلېټي اسټورز به كلو غوړي په 300 روپۍ ترلاسه كېدې شي٬ د اطلاعاتو وفاقي وزيرې مريم اورنګزېب خبرې كنفرنس
مضمون کا ماخذ : را کی کتاب
متعلقہ مضامین
