اسلام آباد 14اپرېل(اے پی پی)وزیراعظم عمران خان وئيلي دي د روژې مباركه مياشت كښې د حاجتمندو خاص خيال ساتلو او د ناجائزه منافع خوري او ذخيره اندوزي په ګوته كولو ته اړتيا ده۔ نړۍ دا مهال د كورونا وائرس سختې چپې سره مخ ده۔ تراويح او اعتكاف سره په اېس او پيز عملدرآمد كول زمونږ انفرادي او اجتماعي ذمه واري ده۔ مونږ له به په ګډھ د دې نازك صورتحال مقابله كول وي۔ د دې خيالاتو څرګندونه هغه د نهې په ورځ د رمضان المبارك مياشتې په پېل كېدو د قام په نامه خپل پېغام كښې وكړه۔ وزيراعظم ووئيل زه د روژې مباركې مياشتې په پېل كېدو ټولې اسلامي نړۍ له مباركي وركوم۔ د لويې څښتن فضل دے چې يو وارې ئې بيا مونږ ته د روژې بركتونو نه د استفادې كولو موقع راكړه۔ هغه ووئيل د روژې مقصد انسان كښې د پرهېزګارۍ ٬ قربانۍ او خواخوږۍ صفات پېدا كول دي۔ د روژې په حالت كښې لوږه او تنده زغملو سره د نورو احساس راپېدا كېږي او د خواخوږۍ جذبه وده مومي۔ هغه ووئيل نړۍ دا مهال د كورونا وائرس درېمې خطرناكې چپې سره مخ ده۔ د تېرې روژې په مياشت كښې پاكستاني قام چې په كوم ډول په اېس او پيز عملدرآمد كړے او د دې وباﺀ خپرېدو مخنيوي له ئې ټولې ممكنه هڅې كړې هغه د ستائلو دي۔ وزيراعظم ووئيل په دې مباركو وختونو كښې د لويې څښتن په دربار كښې لاس په دعا يوو چې خپل خصوصي فضل او كرم سره ټوله نړۍ د دې امتحان نه رابهر كړي۔ پروردګار دې د پاكستان قوي مرسته وكړي او په دې سخت وخت كښې دې راته د صبر او زغم توفيق راكړي
د وزيراعظم عمران خان د رمضان په پېل كېدو د قام په نامه پېغام
مضمون کا ماخذ : loteria do Paraná
متعلقہ مضامین
